Inhlantsi Yethemba Ngogesi e-Hammarsdale

By: Zilungile Mkhize

UMeya womasipala iTheku, uMxolisi Kaunda uthi zihambe kahle kakhulu izingxoxo abe nazo nenkampani kagesi uEskom, zokuzama ukusombulula inkinga yokucinywa njalo kwagesi eHammarsdale.

Lomhlangano kaMeya noEskom ulandele izikhalo eziningi zamalungu alomphakathi mayelana nokucishelwa njalo kukagesi ngisho noma kungekho ngaphansi kohlelo lwe loadshedding.

Lokunqanyulwa kwagesi kuvamise ukubonakala kakhulu ku-ward 5 kulendawo.

Okhulumela umkhandlu weTheku uMluleki Mntungwa uthi ezinye zezinqumo ezithathiwe kulomhlangano, zihlanganisa ukutshala ithimba elivela kwa-Eskom elizoyohlola ukuxhunywa kukagesi kuyo yonke imizi eku ward 5, nokuthi lenkampani iphinde ibuyekeze futhi ilungise lenkinga yokucinshwa kwagesi amahora amaningi ngelanga.