Injabulo Embonini Yamatekisi Ngochatha
Written by Mfundo on 14 January, 2022
By: Lindelani Mbatha
Izinhlangano zamatekisi kulesisifundazwe zithi imali ezizoyihlomula kuhulumeni izosiza kakhulu kosomatekisi asebecwile ezikweletwini.
Ungqongqoshe wezokuthutha umemezele ukuthi kuzothi kuphela uMarch bonke abazofaka izicelo zokunikezwa lemali babe sebeyitholile.
Uhulumeni ubeke eceleni imali engaphezu kuka-R1.1 billion wamarandi ukusiza abamatekisi abakhahlanyezwe ukubheduyka kweCOVID 19.
Kulindeleke ukuthi umnikazi wetekisi ahlomule ngo-R5000 itekisi ngayodwana.
Oyisikhulu esiphezulu kuSantaco eKZN uSfiso Shangase uthi bajabule ukuthi nemibandela ebibekiwe ukuze bezothola lemali ixegisiwe.
Khonamanjalo usihlalo weSouth African Taxi and Transport Alliance uB Mhlongo uthi bayabonga ukuthi ungqongqoshe uFikile Mbalula ubone kuncono ukuthi nabo bayithole lemali.
Continue reading
