Inkantolo Inquma Ngokuqashwa Kwesikhulu saMasipala waseNkandla
Written by Mfundo on 2 December, 2020
By: Lindelani Mbatha
UMeya waseNkandla enyakatho yakulesisifundazwe uThami Ntuli uthi isinqumo senkantolo yokudluliswa kwamacala sokukhipha phambili lomkhandlu sikhomba ukuthi izinkantolo zisebenza ngokuzimela.
Lenkantolo ikhiphe phambili lomkhandlu ekuqasheni kwayo oyisikhulu esiphezulu uLangelihle Jili ngo-2016 emvakokushiya kuka-Sthembiso Mthembu.
Umnyango wakwaCogta kulesisifundazwe lesisinqumo wasiyisa enkantolo ephakeme eThekwini lapho isinqumo sokuqasha uJili esachithwa khona.
Lomyango wawusola lomkhandlu ngokuqasha lesisikhulu singenaso isipiliyoni esifunekayo sokuhola umkhandlu.
Lomasipala wabe ususidlulisela enkantolo yokudluliswa kwamacala lesisinqumo.
uNtuli uthi kunzima ukusebenza ube ujeqeza.
Khonamanajalo oyisikhulumi sakwaCogta kulesisifundazwe uSenzelwe Mzila uthi bamatasa bafunda isinqumo senkantolo.
Continue reading
