Inkantolo Isikulindele Ukukhipha Isinqumo ngo-Zuma

By: Bongani Gina

Owayengu Mengameli wezwe lakuleli, uJacob Zuma, kulindeleke ukuba ezwe kusasa ekuseni maqondana nesinqumo senkantolo yomthethosisekelo ngecala lakhe lokuphula umyalelo wenkantolo.

UZuma waphula umyalelo wenkantolo owabe umphoqa ukuba ayovela kukhomishini ephenya ngokugamandwa kwamandla ombuso aphendule nemibuzo, kodwa yena wangalubhada lapho.

Ikhomishini kaZondo yamangalela uZuma enkantolo yomthethosisekelo, yanxusa ukuba inkantolo ithole uZuma enecala bese ikhipha nesigwebo sokuthi akaboshwe.

Le khomishini yacela lenkantolo ukuba igwebe uZuma iminyaka emibili ehleli ejele.

Inkantolo ibe isibhala ku-Twitter wayo namhlanje ukuthi isikulindele ukukhipha isinqumo sayo kulesi simangalo njengoba ithi izokhipha isinqumo kusasa ekuseni ngo 10.