Inkatha Ithembisa Ukubhekana Ngqo Nenkohlakalo
Written by Mfundo on 8 November, 2021
By: Lindelani Mbatha
UMengameli we-IFP uVelenkosini Hlabisa uthi lapho ekuzophatha khona lenhlangano bazoqinisekisa ukuthi inkohlakalo ebiyenzeka bayikhipha ngewindi.
U-Hlabisa ubekhuluma nabezindaba eThekwini ngezinqumo zomhlangano wesigungu esiphezulu saleliqembu, ngendlela eyaphambili.
Leliqembu lenzekahle kakhulu kukhetho lohulumeni basekhaya obelubanjwe ngesonto eledlule.
Likwaze ukuhlwitha abanye bomasipala ebebephethwe yi-ANC, kanti selikwenze kwacaca ukuthi ngeke lisebenzisane nenhlangano ebusayo komasipala abangu-18 okumele kuhlangane amaqembu ukuze kwakhiwe imikhandlu kulesifundazwe.
U-Hlabisa uthi kuphelile ukunikezana ngemisebenzi ngoba uwumngani noma uyiqembu elithile lezepolitiki, eqhuba ngokuthi kuzosebenza izigqu zemfundo.
powered by Advanced iFrame. Get the Pro version on CodeCanyon.
