Inkinga Kagesi Kumele Iphele- Fikile Mbalula

By: Lindelani Mbatha

UNobhalala Jikelele we-African National Congress, uFikile Mbalula,  uthi uhulumeni kumele asebenze kanzima ukuzama ukuqeda nya ukunqamuka kukagesi izikhawu iLoadshedding okubhekene neNingizimu Africa.

UMbalula ubethula umbiko womhlangano wesigungu esiphezulu senhlangano ebusayo i-NEC wezinsuku ezine obubanjelwe eGoli.

INingizimu Africa ibhekene nengwadla yokunqamuka kukagesi izikhawu, okumanje iku-Stage 4, nokuzothi ngo-4 ntambama kuqale futhi u-Stage 6.

Izolo silale i-Laodshedding iku-Stage 6 nokuze kwaqamuka namhlanje ekseni ngabo -5.

Lenkinga idala umonakalo omkhulu kuleli njengoba izinkampani eziningi zingakwazi ukusebenza ngendlela ikakhulukazi lezo ezidayisa ukudla osekulungele ukuya ethunjini.

UMbalula uthi uhulumeni kumele azame ezinye izindlela zokubhekana nalenkinga.

powered by Advanced iFrame. Get the Pro version on CodeCanyon.