Isikhathi Sokuthi uRamaphosa Ahlambuluke – Steenhuisen

By: Zilungile Mkhize

Umholi we DA, uJohn Steenhuisen, uthi umengameli uRamaphosa kumele asebenzise lelelithuba esavele kwikhomishana kaZondo ephenya ngeState Capture, ukuphumela obala ngakwaziyo mayelana nenkohlakalo kuhulumeni naku ANC, nokuthi yiziphi izinyathelo azithatha ukulwisana nayo.

USteenhuisen uthi angalinge azihlangule ezenzweni ze-state capture ekusolakala ukuthi beziqhutshwa ngabathize kuhulumeni nakuANC, njengoba eseqede iminyaka eminingi eyingxenye yobuholi obuphezulu beANC.

Uthi akukwazi ukuthi uRamaphosa wayengazi lutho ngokwakwenzeka esengusekela mengameli weqembu elibusayo kanye nezwe.

uSteenhuisen uthi ziningike nezinye izinsolo ekumele aphendule ngazo, ikakhulu lezo ezimuhlanganisa nezenzo zenkohlakalo ethinta amabhizinisi ayesebenzisana nawahulumeni.

powered by Advanced iFrame. Get the Pro version on CodeCanyon.