ISilo Sithi Kubuyise Iminjunju Ukuhambela Lapho Okwakhothamakhona U-Mdlokombane

Written by on 14 March, 2022

By: Bongani Gina

ISilo samaZulu uMisuzulu kaZwelithini sithi sizizwe sithuthumela ngesikhathi sizibonele mathupha futhi sazifikela sona qathatha esibhedlela nasegumbini okwakhothamela kulo uyise iSilo, uZwelithini KaBhekuzulu.

ISilo sisho lokhu enkonzweni yesikhumbuzo sikaYise eqhubeka esigodlweni kwaKhangelamankengana kwaNongoma.

Sekuphele unyaka iSilo sakhothama kanti inkonzo yokusikhumbula ibanjelwe ezigodlweni ezimbili ikwaKhangela ihanjelwe yiSilo uMisuzulu, uMntwana wakwaPhindangene, usihlalo wamakhosi kulesifundazwe uPhathisizwe Chiliza, amakhosi, abantwana baseNdlunkulu kanye neNdlunkulu uMaZungu ukubala abambalwa.

KwaKhethomthandayo lenkonzo ihanjelweu uMntwana uMbonisi, uMntwana uThembi, ondlunkulu beSilo esikhotheme kanye nabanye abantwana baseNdlunkuku ukubala abambalwa.

Umdlokombane wakhothama ziwu-12 ngonyaka owedlule emvakokudunguzela ekwesinye sezibhedlela eThekwini.

U-Misuzulu kaZwelithi uthi uyabonga ukuthi umsebenzi kayise wahamba ngohlelo.

powered by Advanced iFrame free. Get the Pro version on CodeCanyon.


Gagasi FM

What You Want to Hear



Background