Isisukile Futhi eka-Mbalula no-Niehaus

By: Lindelani Mbatha

UNgqongqoshe wezokuthutha, uFikile Mbalula, uthi okhulumela umbutho womakadebona i-MKMVA uCarl Niehaus, nguye obengunqongqondo ekuhleleni umbhikisho kanye nokuntshontshwa kwemphahla obekwenzeka kuleli ngesonto eledlule.

Kulezizigameko kuntshontshwe impahla kwaphinde kwashiswa nezitolo.

Uhulumeni uthi umasipala weTheku uzolahlekelwa ngu-20 billion wamarandi ngalezigameko. Babalelwa ku-250 abantu abadlule emhlabeni ngesikhathi kuqgubeka lemibhidlango eyenzeke eKZN naseGauteng.

Ekhuluma ne-BBC, uMbalula uthi lemibhikisho ibizoqeda nya ngohulumeni.

Khonamanjalo, uNiehaus usebhale enkundleni yezokuxhumana iTwitter ukuthi uzothathela izinyathelo zomthetho uMbalula ngalokhu akushilo.