Iyaqhubeka imikhankaso yokukhuculula amadolobha.
Written by Phakeme Mnguni on 6 September, 2024
By: Nompumelelo Ngubane
Imeya kaMasipala uMsunduzi uMzi Thebolla uthi njengoMasipala bazimisile ukuthi besebenze ngokuzikhandla ukukhuculula idolobha i-Pietermaritzburg futhi balwisane nabantu bokufika abahlala kulelidolobha ngaphandle kwamaphepha abagunyaza ukuba kulelizwe.
U Thebolla uphawule kanje emva kokuthi begasele kwamanye amabhilidi akuleli dolobha asehlonzwe njengalawo asedliwe amalungu omphakathi, ahlala kuwo ngaphandle kwezimvume.
Kanti amanye awo asetshenziswa ukwenza ubugebengu kanye nokuqhuba amabhizinisi angekho umthethweni nokukhiqiza izimpahla zomgunyathi.
Kuzokhumbuleka ukuthi idolobha iTheku nalo liqale lo mkhankaso lisebenzisana namaphoyisa nobuholi besifundazwe.
Nangu ke uThebolla echaza ngaloluhlelo eMaritzburg.
