Izangoma zezulu zibona imvula enkulu ngaphambi kokugoqwa kwalonyaka.
Written by Phakeme Mnguni on 24 December, 2024
By: Phakeme Mnguni
Izangoma zezulu zakwa South African Weather Services seziqagule ukuthi amasonto ambalwa asele kulonyaka azobe enesimo sezulu esingesihle neze njengoba zithi kulindeleke umoya omkhulu nezimvula ezihambisana nezikhukhula, kulo lonke lakuleli.
Oyisangoma sezulu uSamkelisiwe Twala uthi angamaphesenti angu-60 amathuba okuna kwemvula nokuduma kwezulu eMpumalanga, naseFree State namuhla, kanti angamaphesenti angu-80 esifundeni saseLimpopo sonke, e-Gauteng, KwaZulu-Natal, okungenzeka kuhambisane nezimvula eziphazamisayo nezikhukhula.
Uthi ingaphakathi eliseningizimu-ntshonalanga lizobe libalele futhi lifudumele.
