Izingxoxo Zokuketula uZuma Zaqala ngo 2013 – Mantashe

By: Lindelani Mbatha

Usihlalo weANC, uGwede Mantashe, uthi lwaqala ngo-2013 udaba lokuthi lowo owayengumengameli wezwe uJacob Zuma asule esikhundleni.

uMantashe ubethula ubufakazi phambi kwekhomishana kaZondo ephenya iState Capture.

Uthi loludaba lwasuka emvakokuba umndeni wakwaGupta uhlale esikhungweni sezindiza zombutho wezempi iWaterkloof Base ngo2012.

uZuma wabe esecelwa yikomidi eliphenya ubuqotho bamalunga eANC ukuba azochaza ngezinsolo ezibhekiswe kuye, zokuthi uvumele abangani bakhe bakwaGupta ukuba basebenzise lesisikhungo sezindiza kungafanele.

Ephendula umbuzo kasihlalo walekhomishana, uRaymond Zondo, uMantashe uthi lelikomidi lathatha isinqumo sokuthi uZuma asule esikhundleni.

powered by Advanced iFrame. Get the Pro version on CodeCanyon.