Izokugulisa Noma Ugomile I-Omicron Kodwa Hhayi Kakhulu!

Written by on 30 November, 2021

By: Sthulile Mdletshe

Isekala lika Ngqongqoshe wezempilo uSbongiseni Dhlomo lithi asikho isiqiniseko sokuthi ngeke usaguliswa uhlobo olusha lwe COVID-19 iOmicron, uma vele usugome ngokuphelele phambilini.

Uthi njengamanje ukugoma kuzosiza ekutheni noma zifika izinhlobo ezinstha zaleligciwane, ungaxineki kakhulu.

U-Dhlomo usho lokhu nje kunokhathazeka osekukhona ezweni, kanjalo nemibuzo mayelana nokubheduka kohlobo olusha lwe COVID-19, i-Omicron, nokuthi izosiza yini imigomo ekhona ukuvikela kulesifo.

Amazwe amaningi asentshonalanga asenqume ukuvalela ngaphandle abantu bakuleli namanye amazwe angomakhelwane, esabela ukubhebhetheka kwaloluhlobo nakhona.

U-Dhlomo uthi konke lokhu okwenzakalayo manje kuphazamisa umnotho futhi kubuyisela emuva nemizamo yokuthi isimo sibuyele kwesijwayelekile.

powered by Advanced iFrame. Get the Pro version on CodeCanyon.


Gagasi FM

What You Want to Hear



Background