Izovalwa Eminye Imgaqo EThekwini Ngenxa Ye-Marathon

By: Xolani Khumalo

Amaphoyisa kaMaspala weTheku axwayise abashayeli bezimoto ukuba bahlele kahle izindlela zabo abazozithatha kulempelasonto njengoba eminye imigwaqo izobe ivaliwe ngenxa ye-Comrades Marathon.

I-Comrades Marathon umjaho wabagijimi oyingqophamlando wamnyaka yonke obanjelwa kuleli kanti futhi ungomdala nomude ngokwebanga kunayo yonke imijaho emhlabeni wonke jikekelele.

Kanti-ke kulindeleke izinkumbi zabasubathi ababalelwa ngaphezulu kuka-25,000 abazoba yingxenye yawo okuhlanganisa nabavela emazweni aphesheya kwezilwandle ababalelwa ku-2500.

Okhulumela amaphoyisa kaMaspala weTheku uBoysie Zungu uthi emigwaqo embalwa izobe ivaliwe kusukela kusasa ebusuku.