Kubhekelwa Abafundi Ababuye e-Russia nase Ukraine Izikhala Emanyuvesi

Written by on 14 March, 2022

By: Sthulile Mdletshe

Oyisikhulu esiphezulu kuhlaka oluhola amanyuvesi i-Universities South Africa, uAhmed Bawa, uthi izikhungo zemfundo ephakeme kumele zivulele abafundi abaphuma eUkraine nase Russia izikhala zokufunda.

U-Bawa uthi lokhu kumele kufakwe ngaphansi kwezicelo eziphuthumayo emanyuvesi amaningi akuleli ukuthi amukele bonke bafundi abasanda kubuya kulamazwe womabili.

Njengamanje babalelwa ku-50 abafundi asebebuyile kuleli kanti abanye kulindeleke ukuthi bafike ngesonto elizayo.

I-Russia neUkraine ibhekene nombango, emvakokuba iRussia isole iUkraine ukuthi ifuna ukungena kwinhlangano yezokuvikela yamazwe afaka izitha zayo iMelika kanye ne-UK, iNATO.

Lombango ubusuholela ekutheni izifundo zabo ziphazamiseke njengoba inqwaba yabantu abakulamazwe isivele ibalekele emazweni angomakhelwane.

U-Bawa uthi ngaphansi kwezimo ezingajwayelekile kuzomele labafundi banikwe ithuba lokuqhubeka nezifund zabo kumanyuvesi akuleli.

powered by Advanced iFrame. Get the Pro version on CodeCanyon.


Gagasi FM

What You Want to Hear



Background