Kuboshwe Umlisa Odlwengule Ingane ena-18

By: Bright Ntuli

UNgqongqoshe wezokuthuthukiswa komphakathi KwaZulu-Natal uNonhlanhla Khoza usesishayele ihlombe isenzo sowesifazane wase Bergville entshonalanga yesfundazwe, sokwenqaba ukwamukela imali kumlisa osolwa ngokudlwengula ingane yakhe, khona ezocisha icala.

Kubikwa ukuthi indodakazi yalowesifazane eneminyaka engu 18 ubudala yadonselwa ngumsolwa ehlathini ngo July kulonyaka, wayisabisa ngommese, wayidlwengula.

Lentombazane ithe uma ifika ekhaya yalubika udaba, umama wayo wayovula icala emaphoyiseni.

Ungqongqoshe uKhoza uthi kubaphula umoya ukuthola ukuthi lentombazane kanye nomama wayo sebesongelwe ngisho nangokuthi bazosocongwa kulandela ukuthi benqabe ukwamukela imali kanye nezinkomo zokuhlawula lesenzo kumsolwa.

powered by Advanced iFrame. Get the Pro version on CodeCanyon.

Imeya yasoKhahlamba uSphiwe Mazibuko ithi sebexoxisene nomndeni wesisulu, inkosi yendawo kanye nomaphoyisa ngaloludaba, kanti nomsolwa useboshiwe.

powered by Advanced iFrame. Get the Pro version on CodeCanyon.