Kudingidwa Elomfelokazi Odingisiwe Ngoba Engamuzilelanga Umyeni

Written by on 9 March, 2021

By: Nompendulo Ngubane

Ikomidi elibhekela amalungelo abantu besifazane, izingane, kanye nabakhubazekile esishayamthetho sakwaZulu-Natal, lithi kumele kuqedwe nya ukuhlukunyezwa kwabantu besifazane.

Lelikomidi lisho kanjena njengoba selinikele endaweni yaseMahlutshini eNtabankulu, maphakathi nesifundazwe, ukuyokweseka owesifazane osevulelwe icala enkantolo yenkosi, ngoba engamzilelanga umyeni wakhe.

Induna yalendawo kubikwa ukuthi isiyalele lowesifazane ukuthi kumele adingiswe endaweni, njengoba yona kanye nomphakathi bemusola ngokuthi lesenzo sakhe yiso nesiholele ekutheni isimo sezulu singabi sihle endaweni, izulu lidume libulale nombila.

Ilungu lesishayamthetho eliphinde libe nguSihlalo wekomiti elivikekela abasifazane, uPhumzile Mbatha-Cele, uthi lesi isivumelwano lowesifazane asenza nomyeni wakhe ngaphambi kokuba adlule emhlabeni.

powered by Advanced iFrame. Get the Pro version on CodeCanyon.

Oyisisulu salesisigameko uFikile Mlaba uthi uyikholwa kodwa uyahlukunyezwa.

powered by Advanced iFrame. Get the Pro version on CodeCanyon.

USihlalo wabaholi bendabuko kulesisifundazwe, uPhathisizwe Chiliza, uthi ukuhlukumeza owesifazane ngaloluhlo kuyichilo elimbi ngoba ukuzila nokungazili kuphakathi komndeni hhayi isizwe.

powered by Advanced iFrame. Get the Pro version on CodeCanyon.


Gagasi FM

What You Want to Hear



Background