Kukhuthazwa Abazali Ukuthi Bagade Izikole

By: Nompendulo Ngubane

UNgqongqoshe wezeMfundo esifundazweni saKwaZulu-Natal, uMbali Frazer, usenxuse imiphakathi ukuthi idlale indima ekunakekeleni izikole ezindaweni zayo.

UFrazer ehambisana noNgqongqoshe wezeMfundo kuzwelonke emazingeni aphansi u Angie Motshekga bavakashele izikole eMlazi eNingizimu nesifundazwe.

Ukuhambela kwabo lezi zikole behambisana no Ndunankulu wesifundazwe uNomsa Dube Ncube bekuwukubheka ukuthi ngabe konke sekumi ngomumo yini ezikoleni ukuqala ukufunda njengoba izikole zivuliwe.

Kuzokhumbuleka ukuthi ezinye zezikole zakulesi sifundazwe zakhahlamezwa izikhukhula kanti futhi ezinye zishoda ngengqalasizinda.

UFrazer uthi abazali nabo mabazigade izikole ukuze ziphephe.