Kulindeleke Isimo Sezulu Esingesihle KwaZulu-Natal

By: Lindelani Mbatha

Ungqongqoshe wezokubusa ngokubambisana KwaZulu-Natal, uSipho Hlomuka, usexwayise izakhamuzi ngesimo sezulu esingesihle kusukela namhlanje ntambama, nesingaze siqhubeke kuze kufike impelasonto.

Ngokwemibiko wabakwaSouth African Weather Service, ezindaweni ezifaka izintaba zokhahlamba kanye nezindawo ezakhelene nazo kanjalo naseKokstad kuze kuyofika eUnderberg kuzobanda kakhulu kuphinde kulale isithwathwa.

Kulindeleke ukuthi kuphinde kube nemvula enamandla ezifundeni ezisenyakatho yesifundazwe nokubalwa kuzo iKing Cetshwayo, Umkhanyakude, kanye neZululand.

Oyisikhulumi salomnyango uSenzelwe Mzila uthi lokhu kungenzeka kuholele nasekuvalweni kwemigwaqo okungabeka engcupheni abashayeli.

powered by Advanced iFrame. Get the Pro version on CodeCanyon.