Kumele Baqeqeshwe Osopolitiki Abafakwa Komaspala- Mngomezulu

By: Lindelani Mbatha

Ungoti wezepolitiki uBheki Mngomezulu uthi kubalulekile ukuthi amaqembu ezombusazwe abaqeqeshe kahle abaholi babo ababafaka komasipala.

UMngomezulu uphawula kanjena kulandela izinkulumo ezisabalale ezinkundleni zokuxhumana lapho usomlomo womasipala Abaqulusi, uMichael Khumalo, atshela khona ababehambele umngcwabo kalowo owayeyikhansela, uPhaphama Mbatha ukuthi bafuna ukuqasha ilunga lomndeni.

Wathi lokho bazokwenza kumnyama kubomvu futhi masingekho isikhala bazoxosha umsebenzi oyilunga le-African National Congress.

Kanti futhi kuwo loyamasipala usekelameya, uMandla Mazibuko, usolwa ngokubiza amalunga omphakathi ngezimfene.

UMngomezulu uthi zonke lezinkinga zidalwa ukuthi iningi losopolitiki aliqeqeshiwe ngendlela efanele.

powered by Advanced iFrame. Get the Pro version on CodeCanyon.