Kumile ukufunda abafundi bebhikishela amanzi e-Sukuma Comprehensive.
Written by Phakeme Mnguni on 22 August, 2024
By: Nompendulo Ngubane
Ukufunda sekume nse esikoleni samabanga aphezulu iSukuma Comprehensive eMbali ePietermaritzburg maphakathi nesifundazwe.
Abafundi balesi sikole sebevale amasango bekhala ngokungabibikho kwamanzi nabathi sekuthathe izinsuku kulandela ukuthi umasipala uMsunduzi uvale amanzi kuzo zonke izikole ezinezikweletu zamanzi.
Phambilini loMasipala uveze ukuthi ingaphezu kuka R30 million imali yamanzi ekweletwa izikole zakuleli dolobha.
Ngokuchaza kwelungu elimele isigungu sesikole i SGB uBhekamambo Mkhize, lesi sikole sikweleta imali engango R3,5 million wamarandi njengoba sagcina ukukhokha imali yamanzi ngo 2022.
UMkhize uthi kumanje kunzima esikoleni ikakhulukazi kubafundi abahlala ngaphakathi eqhuba ngokuthi bazithola sebekha amanzi emgodini ongaphandle kwesikole.
