Kuphakanyiswa ukwelulwa komnqamulajuqu wamakhadi akwa-SASSA.
Written by Phakeme Mnguni on 13 February, 2025
By: Sthulile Mdletshe
Ikomidi elibhekele ezokuthuthukiswa komphakathi ephalamende lithi uhulumeni angase aphoqeleke ukuthi anezele isikhathi sokuvuselelwa kwekhadi lokuhola izibonelelo eposini i-Sassa Gold card.
Leli khadi elikwazi ukukhipha imali kuma-ATM amabhange ahlukene nasezitolo, lizophelelwa isikhathi ekupheleni kwalenyanga.
Lokhu ke kusho ukuthi uma unalelikhadi elinombala osagolide angeke usakwazi ukuthola lemali yesibonelelo uma sekudlule leskhathi.
Amalunga ephalamende athi izindawo ezihlelelwe ukushintsha lamakhadi, zigcwele ngokweqile kanti azinabo abasebenzi abanele nabanolwazi.
Athi ke lokhu kuzokwenza ukuthi kushaye usuku lomnqamlajuqu inqwaba yabantu isanama khadi amadala.
Oyilunga lekomidi ephalende u-Dereleena James uthi uhulumeni kusazomele ayibhekisise eyalonqamlajuqu ngoba inqwaba yezibonelelo isengcupheni.
