Kusazoqhuma Ibhomu Lika-Petrol Ngo June
Written by Mfundo on 19 May, 2022
By: Zilungile Mkhize
I-Automobile Association (AA) ithi kusazoba nzima kubashayeli njengoba kulindeleke ukuthi intengo ka-petrol yenyuke ngendlela eyisimanga ngo June, kulandela ukumba eqolo kuka oyela ongahluziwe.
Osomnotho baqagula ukuthi intengo ka-petrol ingase yenyuke ngemali engase ifinyelele ku R3.50 ilitha, nokuzosho ukuthi abashayeli bazokhokha cishe u-R26 ngelitha elilodwa nje vo emagaraji.
Oyisikhulu sakwa AA uLayton Beard uthi sekulele kubashayeli ukuthi bazongele bona imali, ngokuthola izindlela ezilula zokuhamba.
Uthi abantu bangazama ukusebenzisana emizamweni yokonga imali ngokuhamba ngemoto eyodwa phakathi kokunye.
U-Beard uthi lesimo sikuwona wonke amazwe, hhayi iNingizimu AfriKa kuphela.