Sekushunqe Uthuli Esikoleni Kubangwa Elokucwasa Ngokwebala

By: Zilungile Mkhize

Ungqongqoshe wezemfundo eGauteng uPanyaza Lesufi usencome abazali esikoleni Jan Viljoen, ngokusukuma balwisane nesihlava sokucwaswa kwabafundi abamnyama kulesikole.

U-Lesufi usehambele lesikole ukuyobhula umlilo owaqubuka ngoLwesihlanu phakathi kwabafundi abamnyama nabamhlophe, nosubhebhethekele nakubazali imbala.

Namhlanje abazali bagasele kulesikole bebonakala ukuthi bahlukene phakathi ngokwebala, bezofuna izimpendulo ngempi eyabonakala ngoLwesihlanu, bekhala nangendlela lesimo esasingathwa ngayo yiziphamandla zesikole namaphoyisa ashaqa abafundi abamnyama kuphela.

U-Lesufi usetshele abazali ukuthi akasoze wakubekezelela ukucwaswa kwabafundi ezikoleni.

powered by Advanced iFrame. Get the Pro version on CodeCanyon.

Usetshele nabo abafundi ukuthi behlise imimoya njengoba elungenelele loludaba ezama ukulungisa isimo kulesikole.