Kusinde Imisebenzi Kuvulwa Kabusha Inkampani Yemishanguzo

By: Bright Ntuli

UNdunankulu wakwaZulu-Natal, uSihle Zikalala, uthi uhulumeni wakhe uzimisele ukwenza konke okusemandleni ukubuyisa uzinzo lwezomnotho kulesifundazwe.

U-Zikalala usho kanje ngenkathi kuvulwa kabusha inkampani yemishanguzo iCipla eThekwini, eyakhahlamezeka kakhulu ngeskhathi sezibhelu zangenyanga eyedlule.

Lenkampani ekhiqiniza imishangulo ekubalwa kuyo nama ARV okuthithibalisa igciwane lesandulela ngculazi, ingelinye lamabhizini agqekezwa kwebiwa impahla.

Uthi kuyajabulisa ukuthi inkampani enkulu njengale, neqashe abantu abalinganiselwa ku 500 bakulesifundazwe, ingavali amasango ithuthele kwenye indawo yize ithole ukukhahlamezeka.

Kanti oyiskhulu esiphezulu salenkampani uPaul Miller, uthi nokho akungabanga yinto elula ukuthi babuyele ekusebenzeni kodwa bacabangele amakhasimende abo kanye nabasebenzi.