Kusocongwe Umfundi Wase-MUT
Written by Mfundo on 2 August, 2022
By: Zilungile Mkhize
Umfundi wesifazane usegwazwe wabulawa kwezinye zezindlu ezihlala abafundi baseMangosuthu University of Technogy ezisenkabeni yedolobha iTheku.
Lomfundi uXolile Mbatha, ugwazelwe emagunjini okuhlala abafundi alesikhungo, nekusolwa ukuthi ubulawe umuntu abemazi.
Kuzokhumbuleka ukuthi ngonyaka ka-2018, kwabulawa omunye futhi umfundi waseMUT kuyona lendawo ehlala abafundi, uZolile Khumalo owathelwa ngemvula yezinhlamvu.
Okhulumela amaphoyisa akulesifundazwe uNqobile Gwala, uthi baphenya icala lokubulala, kanti bekungakaboshwa muntu njengoba umsolwa ekhale wemuka emuva kwalesenzo.
powered by Advanced iFrame. Get the Pro version on CodeCanyon.
