Kuyaqhubeka Ukuqulwa Kwecala Lika-Senzo Meyiwa

By: Xolani Khumalo

Liyaqhubeka nokuqulwa icala lokubulalwa kwaloyo owayengunozinti weqembu lebhola i-Bafana Bafana, uSenzo Meyiwa,  eNkantolo ephakeme ePitoli.

Obuyele ebhokisini lofakazi namuhla ngu-Mlungisi Mthethwa owayeyiphoyisa lesiteshi sase-Vooslorus nokuyisona esafonelwa ukubika ngalesigigaba sokudubula.

UMthethwa waba iphoyisa lokuqala ukunikela endaweni yesigameko, ethula ubufakazi utshele iNkantolo ukuthi befika okokuqala batshelwa ukuthi abantu abanolwazi ngokwenzekile basaphuthume esibhedlela.

Uthi-ke ilapho nabo banikela khona ngenhloso yokuqoqa ubufakazi.

uMmeli omele oyedwa kwabahlanu abasolwa balelicala uAdvocate Zandile Mshololo uhlabe ufakazi ngemibuzo ngakushiya kwabo indawo yesigameko.