Kuyinkinga Ukwanda Kwezibhamu Ezingekho Emthethweni

By: Zilungile Mkhize

Ukhomishana wamaphoyisa esifundazweni  saKwaZulu-Natal uNhlanhla Mkhwanazi uthi inkinga yokutholakala kalula kwezinhlamvu kanye nezibhamu ezingekho emthethweni sekuphenduke insakavukela umchilo wesidwaba emphakathini.

UMkhwanazi uthi lezibhamu yizo ezisetshenziswa ukuqhuba ubugebengu obushiya kukhalwa emindenini ngenxa yokuchitheka kwegazi.

Uphawule kanjena nje, emvakokuhambela eSweetwaters ePietermaritzburg kulandela isigameko sokudutshulwa kubulawe abantu abane, kwasala kwembulwa kwembeswa kwabanye abangu 8.

Uthi nabo basafuna ibhekisiswe eyemthetho yezibhamu, nokutholakala kwazo kalula njengoba ezinye zazo ziphelela ezenzweni zobugebengu.