Kuzokwenziwa Uphenyo Olunzulu Ngesibhicongo Sase-Marriannhill

By: Xolani Khumalo

UNgqongqoshe wezokuphepha komphakathi  esifundazweni saKwaZulu-Natal, uPeggy Nkonyeni, uthi bazimisele ukufika ekujuleni kophenyo ngesigameko sabayisikhombisa abadutshulwe babulawa eTuckshop eseMariannhill ngaphandle kweTheku.

Phakathi kwabashone kulesigameko esenzeke ngoMgqibelo, kubalwa umnikazi walestolo obeneminyaka engu-65 ubudala kanye namadodana akhe amabili.

Amaphoyisa athi aseluqalile uphenyo kanti noNkonyeni uzifikele mathupha endaweni yesigameko ukuzozwa kabanzi ngokwenzekile.

UNkonyeni uthi enye into ezoba ingxenye yophenyo lwabo ukuthola ukuthi ngabe lendawo ibidayisa utshwala ngokusemthethweni yini njengoba kubonakale namabhodlela otshwala.