Kwehlike Amaphaphu Izwe Lizinza ku-Level 1

By: Zilungile Mkhize

UMengameli uCyril Ramaphosa usememezele ukuthi okwamanje iNingizimu Africa izoqhubeka nokuba ngaphansi kwesigaba sokuqala sokuvalwa kwezwe.

U-Ramaphosa usho kanjena ekhuluma nezwe izolo kusihlwa, ethula imiphumela yekomidi loNgqongqoshe ababhekelele iCOVID-19 nemigomo yokulwisana nayo.

Uthi yize lelikomidi iNCCC, linqume ukugcina izwe ku Level 1, isimo sokuba ngaphansi kwenhlekelele asikoshintshi.

Izakhamuzi kanjalo nabamabhizinisi ahlukene, bese benokwesaba ukuthi ingase iqiniswe imigomo yeLockdown, njengoba sekubheduke olunye futhi uhlobo lwe COVID-19, iOmicron.

U-Ramaphosa uthi isinqumo sabo sokungayiqinisi okwamanje imithetho yeLockdown ukuthi phambilini izwe lalingakabi nayo imigomo eyanele bonke abantu ukuthi bagomele leligciwane.