Liyavutha ITheku Kubhikishelwa U-Zuma

By: Lindelani Mbatha

Umphakathi waku-Ward 25 eThekwini usuqale imibhikisho wavala imigwaqo ukhala ngokuboshwa kwalowo owayenguMengameli wezwe uJacob Zuma.

Lomphakathi uvale imigwaqo uMgeni, uQuarry Road East kanjalo noBrickfield ngamathayi avuthayo, imfucuza, izingodo waphinda waphahlaza namabhodlela phansi.

Izolo amanye amalunga eANC avale uN2 ngezimoto kanye nangamaloli, ngakuMvoti Toll Gate, enyakatho yeTheku.

U-Zuma wazinikele emaphoyiseni ngolwesithathu ebusuku, ukuyoqala isigwebo sakhe sezinyanga ezingu-15 ebhadla ejele.

Watholwa enecala lokudelela inkantolo yomthetho sisekelo, emvakokuba eshaye indiva umyalelo wayo wokuthi akayovela phambi kwekhomishana kaZondo ephenya izinsolo zokugwamandwa kwamandla ombuso.

Ekhuluma nabezindaba ze-Gagasi Fm lamalunga omphakathi athi afuna uZuma adedelwe.

powered by Advanced iFrame. Get the Pro version on CodeCanyon.