Luyaqala Namhlanje Uhlelo Oluhlose Ukugoma Izigidi Zabantu Kuleli

By: Zilungile Mkhize

UNgqongqoshe wezempilo uJoe Phaahla uthi bahlose ukugoma okungenani abantu abangu 1-million esikhathini esingangesonto.

Lokhu bazokwenza ngomkhankaso kahulumeni wokukhuthaza abantu ukuthi baphume ngobuningi bayogoma, i-Vooma Vaccination, ozoqala khona namhlanje kanti uzodonsa isonto lonke kuze kuyoshaya umhlaka 10 December.

Isibalo sabantu abagoma ngaphansi kwalomkhankaso owaba ngezimpelasonto ku-October nango November, asidlulanga ngisho naku 650 000.

U-Phaahla uthi abantu mabayisukumele indaba yokugoma, ngoma izosiza ukubanika ithuba lokuthi amasosha omzimba akwazi ukumelana nomkhuhlane we COVID-19 uma ubahlasela.

Uthi njengoba sekubheduke nohlobo lwe Omicron COVID-19,  okungakaziwa amandla alo angakanani, kusemqoka ukuthola imigomo ekhona ezweni.

powered by Advanced iFrame. Get the Pro version on CodeCanyon.