Ngimsulwa! – Zuma

By: Lindelani Mbatha

Owayengumenganeli wezwe, uJacob Zuma, uthi umsulwa kuwona wonke amacala enkohlakalo, ukukhwabanisa kanye nokushisthashintshana ngemali ngendlela engafanele abekwe wona.

uZuma uvele enkantolo yamajaji eMgungundlovu ngalamacala enzeka eminyakeni engu-16 eyedlule, athinta ukuthengwa kwezikhali okwaziwa kakhulu ngeArms deal.

Umbuso ubeke uZuma lamacala ngokusemthethweni namhlanje.

Sekunesikhathi eside uZuma ekhuluma nabalandeli bakhe njalo mayezovela enkantolo, ebatshela ukuthi sekuphele iminyaka engabekwa lamacala ngokusemthethweni khona ezoziphendulela.

Ephendula ijaji uPiet Koen uZuma uthi umsulwa.

powered by Advanced iFrame. Get the Pro version on CodeCanyon.

Khonamanjalo, ummeli kaZuma, uDali Mpofu, usetshele ijaji ukuthi ikhasimende lakhe linokwesaba ukuthi ngeke lize lithole ilungelo lalo lokuthi kuqulwe icala elibhekene nalo ngendlela elungile futhi engenakwenzelela.

uMpofu uthi uZuma ufuna ahoxe umshushisi omkhulu we NPA uBilly Downer kulelicala, ekhala ngokuthi waba yingxenye yabantu abaseke iDA ngesikhathi ifuna kuvuswe lamacala, athi kwakuphambene nesinqumo seNPA sokuwachithwa.

Uqhuba ngokuthi uma uDowner esaqhubeka nokuba kulelicala, kusho ukuthi amalungelo kaZuma nawo vele azoshaywa indiva.

powered by Advanced iFrame. Get the Pro version on CodeCanyon.