U-Nomagugu Simelane uchitha izinsolo zokungatholakali kwemishanguzo kwezika-hulumeni.

By: Zilungile Mkhhize

Ungqongqoshe  wezeMpilo KwaZulu-Natal, u-Nomagugu Simelane, usezichithile izinsolo zokushoda  kwemishanguzo ezikhungweni zempilo zikahulumeni.

Lokhu kulandela ukuqubuka kwemibiko yokuthi kwezinye izindawo lesimo sesiholele ekutheni iziguli zibuye emakhaya zilambatha noma zinikwe amaphilisi okudambisa  izinhlungu.

USimelane uvumile ukuthi lomnyango selokhu waqala ukubhekana nezinkinga ngemuva kokwehliswa kwesabelomali , nokuphoqe ukuthi kube nezinguquko.

Ungqongqoshe uthi yize kunjalo, isimo asikho sibi njengoba kusabalele imbiko.

Uthi njengamanje inkinga ababhekene nayo ukuthi phakathi kuka November no January  kunezinkampani ezihlinzeka ngemishanguzo ezingakhokheliwe ezigodle imithi.

Nokho, uthi lesi esimo abalinde ukuthi sine sesilungile ngo March uma sekukhahlele imali ezokwabelwa umnyango wezempilo kunyakamali ozoqala.