Ohlulwe Ekubuyeleni Ekubeni Ikhansela Usolwa Ngokushisa Imizi

By: Nompendulo Ngubane

Lowo oyikhansela le-ANC eseliphumile esikhundleni sobuholi endaweni yase Maqongqo, ngaphandle kwaseMgungundlovu, uNhlanhla Zondo, useziphikile izinsolo zokuthi unesandla ekushisweni kwemizi emibili yezakhamuzi zale ndawo.

Lemizi yamalungu kaKhongolose ku-ward 1 ngaphansi kuka masipala uMkhambathini, ishiswe izinsuku zilandelana, emva kokhetho lohulumeni basekhaya.

Kanti lokhu sekwenze kwanezinsolo zokuthi uZondo unesandla kulesi sigameko emva kokwehlulwa kwakhe ngevoti ekumeleni i-ANC njengekhansela lalendawo.

U-Zondo uthi lesi sigameko asihlangene naye kanti unethemba lokuthi ingalo yomthetho izoqhamuka nezimpendulo.