Okungajwayelekile Kubhikisha Abafundi kanye Nabasebenzi eNyuvesi

By: Zilungile Mkhize

Umbhikisho oqhubeka eMangosuthu University of Technology (MUT) usuholele ekuboshweni komuntu oyedwa.

Lombhikisho ususwe ngabasebenzi bakulesikhungo ababeke phansi amathuluzi abo ekuqaleni kwalelisonto, bafuna ukunyuselwa amaholo ngo 8%.

Abafundi babe sebekhombise ukuzwelana nabasebenzi ngokujoyina lombhikisho, baphakamisa nezabo izikhalo okubalwa imfundo yamahhala, ithuba lokubhalisa kulabo abasasele ngaphandle, nokunye.

Sebeshise amathayi avuthayo ukuvimba emasangweni angenela eMUT, bavala nomgwaqo omkhulukazi uMangosuthu Highway.

Ohola abafundi u Phiwayinkosi Ngobese uthi isimo sesivele saphuma esandleni, njengoba umbhikisho lo ebekuhloswe ngawo ukuhambisa incwadi yezikhalo kubaphathi usuphenduke onodlame kwatholwana phezulu namaphoyisa.

Khonamanjalo, okhulumela abakwasidlodlo uNqobile Gwala uthi umsolwa asebembophile uzobhekana necala lokudala uthuthuva emphakathini.