Owayeyikhansela Usinde Ngokulambisa Edutshulwa

By: Nompendulo Ngubane

Owayeyikhansela laku-ward 17 ePietermaritzburg, enkabeni yesifundazwe saKwaZulu-Natal, uThami Sithole uthe usinde ngokulambisa kade edutshulwa ngentululwane yezinhlamvu  kanti futhi usahlalele ovalweni emva kokuhlaselwa.

USithole ovule icala emaphoyiseni uthe udutshulwe abalisa angabazi abavele bavulela ngemvula yezinhlamvu nakholelwa ukuthi bebeqonde ukumbulala.

Uthe yize esinde edutshulwe ngezinhlamvu ezibalelwa ku-13, kodwa lokhu kushiye umndeni wakhe kanye nomphakathi uthukile njengoba lesi sigameko senzeke kusakhanya ilanga ngezikhathi zantambama.

USithole uthe akanalwazi ukuthi ngabe yini imbangela yokuhlaselwa kwakhe kodwa udaba lwakhe lusezandleni zamaphoyisa.

powered by Advanced iFrame. Get the Pro version on CodeCanyon.