Owezamasiko Ukhala Ngokubulawa Kwezinduna eKZN
Written by Mduduzi Phungula on 15 February, 2023
By: Zilungile Mkhize
Ungqongqoshe wezamaSiko namaCiko KwaZulu-Natal u-Amanda Bani-Mapena usekhuze umhlola wokubulawa kwabaholi bendabuko kulesifundazwe, nathi kuyinto eshaqisayo futhi eshiya iningi emphakathini lidabukile.
Ukuphawula kwakhe kulandela ukubulawa kweNduna yamaButho, uDavid Mkhize, eMbumbulu eningizimu yeTheku.
Induna uMkhize ihlaselwe yabulawa ngabantu abangaziwa emzini wayo ngoMsombuluko ebusuku.
Okhulumela uBani-Mapena, uNathi Oliphant uthi uMkhize ubesebenzisana kakhulu nomnyango ezinhlelweni zokuthuthukisa amasiko kanjalo nokusebenzisana emiphakathini.
Uqhuba ngokuthi iNduna uMkhize ikhombisile nokuthi izihlangu zeSilo zisebenza kanjani.
