URamaphosa Uthi Kuyathokozisa Ukubona Izikole Ezihlwempu Ziphasa Ngamalengiso

By: Xolani Khumalo

Umengameli wezwe, uCyril Ramaphosa, uthi ikhona inhlasi yethemba ebonakalayo ngezinga lokuphasa elikhuphukayo kulezo zikole zabadla imbuya ngothi emakhaya kanye nezisemalokishini.

Babengu-169,903 abafundi abakaMatikuletsheni ababalwa kulesisigaba sezikole abaphase ngamalengiso bathola i-Bachelor esho ukuthi bangayofunda eNyuvesi benze iDegree.

URamaphosa ubethula inkulumo yakhe kwingqungqquthela yamnyaka yonke yemfundo yamazinga aphansi iLekgotla, edingida ngamacebo okukhuthuthukiswa ezemfundo.

UMongameli uthi kumhlaba umxhwele ukubona impumelelo evela ezikoleni ezibhekene nenselelo yengqalasizinda engekho esimweni.