Sebevele Enkantolo Ababilisa Babulala Umfana e-PMB

By: Nompendulo Ngubane

Abasolwa abahlanu sebevele kafushane enkantolo kamantshi eMgungundlovu ngecala lokubulala ngesihluku uMlungisi Mchunu, eTaylors Halt ngonyaka owedlule.

U-Mchunu owayeneminyaka engu-21, wasocongwa ngemuva kokusolwa ukuthi untshontshe umabonakude.

Amaphepha asenkantolo aveza ukuthi uMchunu wayeboshwe izandla ngocingo wabiliswa ngamanzi washaywa waze wafa, umzimba wakhe watholakala eceleni komfula.

Abasolwa okungabesifazane abane kanye nowesilisa oyedwa bavele enkantolo kaMantshi nalapho bekulindeleke ukuthi inkantolo iqule lelicala.

Lelicala lahlehliswa ekuqaleni kuka January ngoba abasolwa becele ummeli wombuso, emuva kokuhluleka ukukhokhela ummeli ozimele.

Umama ka mufi uthi kona kuyajabulisa ukuthi lelicala selizoqulwa kodwa namanje kusamunenga ukubona abasolwa bezitanasela ngaphandle bekhululekile.

Uqhuba ngokuthi ufisa umthetho wenze ubulungiswa.

powered by Advanced iFrame. Get the Pro version on CodeCanyon.