Sekuboshwe Abangu-81 e-PMB

By: Bright Ntuli

Ukhomishana wamaphoyisa KwaZulu-Natal uNhlanhla Mkhwanazi uthi ngeke aphele mandla ezinhlelweni anazo zokulwa abhekane ngqo nempi yobugebengu.

Usho kanjena nje nangempelasonto ubehola ithimba lamaphoyisa emkhankasweni wokuvundulula izigebengu eMgungundlovu, nokuholele ekuboshweni kwabantu abangu-81 ezindaweni esezaziwa njengo alubhadwa kuzo.

Uthi ngeke bunqotshwe ubugebengu uma nemiphakathi ingasebenzisani nabakwasidlodlo, ilekelele ngemniningwane enayo ngezigila’mkhuba ezihlala khona emiphakathini.

Abantu ezindaweni ezahlukene eMaritzburg sebehlala lubhojozi ngenxa yobugebengu obudla lubi, nosebudlule nenqwaba yemiphefumulo, behlisa nethemba lomphakathi emaphoyiseni.

U-Mkhwanazi uthi izindawo zokucima ukoma zinomthelela omkhulu ebugebengwini obudla lubi kuleyandawo.

powered by Advanced iFrame. Get the Pro version on CodeCanyon.