Sekuboshwe Ikhansela Elisolwa Ngokusoconga Elinye

By: Zilungile Mkhize

Umlisa okukholakala ukuthi uyikhansela le-ANC esifundeni iTheku usekhalelwe ngamasongo kasigonyela ngezinsolo zokubulala Siyabonga Mkhize, ngonyaka owedlule eCato Crest.

U-Mkhize wayesembangweni wokuba yikhansela leANC okhethweni lwangonyaka owedlule lohulumeni basekhaya, kanti wathelwa ngemvula yezinhlamvu ngaphandle komuzi wakhe.

Umsolwa lo, igama lakhe lisagodliwe kuze kube uvela enkantolo ngokusemthethweni.

Okhulumela iANC KwaZulu-Natal uNhlakanipho Ntombela, uthi kubalulekile ukuthi umthetho udlale indima yawo ukuze kujeze labo ababa nesandla ekubulaweni kwamalungu abo, ngisho noma abasolwa beqhamuka ngaphakathi kuKhongolose.

Uthi yize kunjalo, kumele abantu bakuqonde ukuthi umuntu umsulwa kuze kube utholwa enecala enkantolo.

powered by Advanced iFrame. Get the Pro version on CodeCanyon.