Sekufe Amakhansela Amabili Engozini Yemoto

By: Mthokozisi Manqele

Umphakathi wakwaNongoma namaphethelo usakhala ngengozi yokushayisana kwezimoto KwaNongoma maqede kwashona amakhansela amabili e-ANC asoPhongolo enyakatho yeKZN.

Lama khansela ashonile uNobuhle Nxumalo waku-ward 14 eCandover kanye noSipho Nkosi oyikhansela laseZululand, bebeya emhlanganweni obus’Olundi bedibana nale ngozi.

Ngokusho kwemenenja kaMasipala wasoPhongolo uMusa Nxumalo le ngozi yenzeke eNkunzana.

Uthe abasindile babatshele ukuthi bashayisane nemoto ebilokhu igcwala umgwaqo igijima iza ngakubo.

Abalimele basathola ukwelashwa esibhedlela, kusho uNxumalo.