Sekuqothwe Ngenhlamvu 6 Wabantu eMariannhill
Written by Mfundo on 31 July, 2022
By: Zilungile Mkhize
Abantu abangu-6 sebeshonile kulandela ukuhlaselwa, bedutshulwa ngabantu abangaziwa eSavannah Park, eMariannhill, ngaphandle kweTheku.
Lokhu kuhlasela okushiye nomlisa oyedwa elimele kanzima kwenzeke eTuck-shop yakulendawo ngoMgqibelo ebusuku.
Kulaba ababulewe kubalwa umnikazi weTuck-shop, amadodana akhe amabili kanjalo nabanye abalisa abebezothenga kulesitolo esincanyana.
Lesisgameko senzeka nje, ekuqaleni kwalenyanga kudutshulwe abantu abangu-12 nokwashona kubo abangu-4 ethaveni eseSweetwaters, ePietermaritzburg.
Kanti indawo yaseMzimkhulu eningizimu nesifundazwe saKwaZulu-Natal ibifihla amalungu ayo adutshulwa abulawa kwenye futhi indawo yokucima ukoma eSoweto, eGauteng.
Okhulumela amaphoyisa eKZN, uJay Naicker, uthi sebevule amacala okubulala eMariannhill, kanti baphansi phezulu bafuna oshaya sibhamu abenze lokhu.
