Sekuthelwe Phansi Elinye Ikhansela le-ANC EThekwini

By: Zilungile Mkhize

I-ANC KwaZulu-Natal ithi ukuhlaselwa kubulawe amakhansela alombutho ezindaweni ezahlukene esifundazweni kuyakhathaza futhi sekuphilisa kanzima nangokwesaba neminye imindeni enabaholi emphakathini.

Isho kanjena nje, ngempelasonto kudutshulwe kwabulawa ikhansela laku Ward 103 KwaNyunswa ngaphansi komkhandlu iTheku.

Ukhansela uMinenhle Mkhize kubikwa ukuthi ubesendleleni ezongena emzini wakhe ngesikhathi enethwa yimvula yezinhlamvu, edutshulwa ngabantu abangaziwa.

U-Mkhize ubesanda kungena kulesikhundla ngemuva kokuqokwa ngokhetho lohulumeni basekhaya ngoNovember odlule.

Okhulumela iANC eKZN, uNhlakanipho Ntombela, uthi bakhathazekile kakhulu ngalezenzo zokuhlaselwa kwamakhansela abo.

powered by Advanced iFrame. Get the Pro version on CodeCanyon.