Seliphinde Lahlehla Elika-Zuma
Written by Mduduzi Phungula on 2 February, 2023
By: Lindelani Mbatha
Inkantolo yamajaji ePietermaritzburg isilihlehlisele uAugust icala lokufakwa kwamaphepha aphikisa ukushushiswa ngokuzimele kwalowo ongumshushisi uAdvocate Billy Downer kanjalo noKaryn Maughan.
Lowo owayengumengameli wezwe uJacob Zuma usola laba ngokuputshuza incwadi equkethe imininingwane yakhe yokugula kungafanele.
Usola uDowner ngokuputshuzela uMaughan lencwadi yenake owayifaka ezinkundleni zokuxhuma nokwathi emvakwesikhathi wayicisha.
Labasolwa bobabili kulindeleke ukuthi bafake isicelo sokuba bengashushiswa njengoba besola uZuma ngokuthi wenza imizamo yokubambezela ukuqulwa kwecala abhekene nalo lokuthengwa kwezikhali.
Ethula lesisinqumo uJaji Nkosinathi Chili uthi kuzobaluleka ukuthi bonke abantu abathinteka kulelicala babekhona enkantolo uma sekuqulwa futhi lelicala.
powered by Advanced iFrame. Get the Pro version on CodeCanyon.
