Seliphinde Lahlehliswa Icala LikaZuma

By: Nompendulo Ngubane & Zilungile Mkhize

Icala lenkohlakalo elibhekene nowayenguMengameli wezwe uJacob Zuma kanye nenkampani yezikhali yase France iThales, selihlehliselwe umhlaka 26 May 2021.

Lomholi uvela kulenkantolo nje, usanda kulaxazwa ngabameli bakhe uEric Mabuza kanye no Muzi Skhakhane, namanje okungaziwa isizathu sako kube yini.

UZuma kanye nenkampani yezikhali yaseFrance, iThales, babhekene namacala enkohlakalo nokukhwabanisa okuthinta ukuthengwa kwezikhali ngeminyaka yama 90’s.

iJaji kulelicala, uPiet Koen, lithi lesinqumo sokuhlehlisa icala sivunywe yizona zonke izinhlangothi ezithintekayo, kubalwa umbuso, abameli kakaZuma kanye nabemele inkampani iThales.

uKoen uthi ngalolusuku abameli bakaZuma abasha iMasuku Attorneys, bazothola ithuba lokufaka incwadi yabo efungelwe yokuthi uZuma uyaliphika lelicala.

powered by Advanced iFrame. Get the Pro version on CodeCanyon.

uMmeli kaZuma uAdvocate Thabani Masuku uthi uZuma ukulungele ukuqala kokuqulwa kwecala futhi kade azilungiselela.

powered by Advanced iFrame. Get the Pro version on CodeCanyon.

Khonamanjalo, amalungu omphakathi angabalandeli be ANC aqhamuka ezindaweni ezahlukene akhona nawo kulenkantolo ukuzokweseka uZuma.

Abazomeseka ngaphandle kwenkantolo basho kanje ngokuqhubeka kwalelicala.

powered by Advanced iFrame. Get the Pro version on CodeCanyon.

Okhulumela UMkhonto weSizwe Military Veterans (MKMVA), u-Carl Niehaus, uthi bazoqhubeka nokweseka uZuma kuze kube ulahlwa yicala enkantolo.

uNiehaus uthi usamile ekutheni kwakuvele kuhloswe ukwehlisa uZuma ebuholini be ANC ngalelicala.

powered by Advanced iFrame. Get the Pro version on CodeCanyon.

BUKELA: Abalandeli baZuma ngaphandle kwenkantolo ephakeme yaseMgungundlovu