Sezibakhalele abasolwa ngokuqotha amalunga omndeni owodwa.  

By: Bright Ntuli

Abalisa ababili abasolwa ngokubulala kanye nokuzama ukubulala sebekhalelwe ngamasongo kasigonyela kungakapholi maseko nje bedubule amalungu amathathu omndeni owodwa.

Labalisa basolwa ngokuthi bagasele emzini othize endaweni yaseMakhwanini eMandeni enyakatho ye KZN ngoMsombuluko badubula ubaba walelikhaya oneminyaka engu 62 ubudala, umama wakhona ono 57 kanye nendodakazi yabo eneminyaka engu 43 ubudala.

Amaphoyisa athi ubaba nendodakazi bashonele khona endaweni yesigameko kanti umama uphuthunyiswe esibhedlela nenqwaba yamanxeba okudutshulwa.

Oyisikhulumi samaphoyisa uRobert Netshiunda uthi labasolwa kubikwa ukuthi bebefuna umfana walelikhaya nabamsola ngokuthandana nentombi yoyedwa wabasolwa.

U Netshiunda uthi ngemva kwalesigameko babe sebephuma inqina bethungatha labasolwa.

U Netshiunda enaba usebeke kanje.

powered by Advanced iFrame. Get the Pro version on CodeCanyon.