Siyaqhubeka Nemizamo Yokulwa Nenkohlakalo – Gungubele
Written by Mfundo on 9 December, 2021
By: Lindelani Mbatha
UNgqongqoshe ehhovisini likaMengameli uMondli Gungubele uthi uhulumeni uzimisele ukulwa nenkohlakalo kuleli.
U-Gungubele ubephendula imibuzo phambi kwamalunga ephalamende.
Uhulumeni usolwa ngokushaya indiva inkohlakalo eyenzeke kusukela kwabheduka iCOVID 19, ethinta ukuthengwa kwamaPPE’s.
Izolo uphiko oluphenya ngobugebengu obuhleliwe iSpecial Investigation Unit itshele ikomidi lephalamende iScopa ukuthi baphenya imali elinganiselwa ku-R14 billion wokuthengwa kwalezizinsiza.
U-Gungubele uthi umengameli uCyril Ramaphosa usayinde imithetho eminingi evumela ukuba kuphenywe labo abaqhuba inkohlakalo.
