SONA2023: I-Defend Our Democracy Ifuna Umengameli Acacise Ngesimo Sezwe Kwi-SONA
Written by Mduduzi Phungula on 9 February, 2023
By: Zilungile Mkhize
Inhlangano engenzi nzuzo iDefend Our Democracy ithi izakhamuzi kumele zihlangane zikhulume ngazwi linye ukuzwakalisa izinkinga ezibhekene nalelizwe, uhulumeni namanje angazilungisi.
Lenhlangano ithi umengameli, uCyril Ramaphosa, uyobe enze iphutha elikhulu, uma engaqalanga inkulumo yakhe ebhekiswe esizweni namhlanje, ngokuxolisa ngesimo abantu bakuleli asebephoqeleke ukuthi baphile ngaphansi kwaso mihla namalanga.
Lenkulumo ilindeleke namuhla kusihlwa, eCape Town City Hall.
Okhulumela iDefend Our Democracy, uNonkululeko Mtambo uthi inkinga kagesi iyona ekumele ibe seqhulwini kulenkulumo kamengameli, kodwa aphinde agxile ekutheni uhulumeni uhleleni ngokubiza kwezinga lokuphila, ukwenyuka kokudla, uphethiloli, kanjalo nesimo esisemazingeni aphansi sezempilo.
